Elordada jyl sońyna deıin birneshe orta bilim mekemesi ashylady
ASTANA. QazAqparat - Elordalyq Bilim basqarmasynyń málimetterine sáıkes, qazirgi ýaqytta elordada 130 542 oqýshyny qamtıtyn 95 jalpy bilim berý mekemesi bar, sonyń 84-i - memlekettik jáne 11-i - memlekettik emes.
Memlekettik mektepterdiń 56-sy jańa tıptegi oqý ordalary jáne olar 95 984 oqýshyny qamtyp otyr, ótken oqý jylynda - 84 149, sonyń ishinde 4 gımnazııa, 26 mektep-gımnazııa (gımnazııalyq synyptarda), 4 lıtseı, 21 mektep-lıtseı (lıtseı synyptarynda) jáne daryndy balalarǵa arnalǵan 1 mektep.
Sondaı-aq, elordada 3625 oqýshyny bilimmen qamtyp otyrǵan 11 jeke menshik mektep jumys isteıdi, sonyń ishinde negizgi jáne orta mektepter, oqý ordalarynyń 97% ınternetpen qamtamasyz etilgen.
Jańa modıfıkatsııadaǵy kabınettermen qamtý deńgeıi - 55,5%. 2016-2017 oqý jylynda 2 mektep ashyldy - 600 oryndyq № 26 (apatty dep tanylǵan mekteptiń ornynda), 1200 oryndyq № 84. Qazirgi ýaqytta 6 mekteptiń qurylysy júrgizilýde, olardy 2017 jyldyń sońyna deıin tapsyrý kózdelgen. Sonymen birge, №37 mektepke 450 oryndyq qosymsha qurylys jáne korrektsııalyq mektep-ınternatqa 375 oryndyq qosymsha qurylys salynýda.
