Elordada jyl sońyna deıin 60 myń jumys orny qurylady – Jeńis Qasymbek
«Bıyl úsh aıynyń qorytyndysyna sáıkes Astana qalasynyń barlyq negizgi áleýmettik-ekonomıkalyq kórsetkishteri boıynsha oń serpin kórsetip otyr. Jalpy, úsh aıda ınvestıtsııa kólemi 204 mlrd teńgeni qurap, 29 paıyzǵa ósti. Onyń ishinde negizgi kapıtalǵa salynǵan jeke ınvestıtsııalardyń úlesi shamamen 79 paıyzdy quraıdy. Qurylys jumystarynyń kólemi 9,5 paıyzǵa ulǵaıdy. Jumyssyzdyq 4,5 paıyzdy quraıdy. Bul respýblıkalyq deńgeıden 0,4 paıyzǵa tómen», - dedi qala basshysy.
Onyń atap ótýinshe, qala turǵyndary sanynyń joǵary ósý qarqynyn eskere otyryp, jańa jumys oryndaryn qurý boıynsha júıeli is-sharalar qabyldaý máselesi ózekti bolyp otyr. Bul rette Prezıdenttiń osy jyldyń qańtar aıynda bergen tapsyrmasyna sáıkes, turaqsyz jumyspen qamtylǵan adamdardy anyqtaý jáne esepke alý jumysy júrgizilip jatyr.
«Sondaı-aq jeke ataýly qoldaý is-sharalaryn usynyp, odan ári jumysqa ornalasýǵa járdemdesý arqyly suranysqa ıe mamandyqtar boıynsha tegin qysqa merzimdi oqytý júrgizýdemiz. Jyl sońyna deıin bıznespen birlesip, 60 myńnan astam jańa jumys ornyn qurýdy josparlap otyrmyz. Negizgi jumys oryndary shaǵyn jáne orta bıznes salasynda qurylady. Shaǵyn jáne orta bıznes salasynda elordanyń ekonomıkalyq belsendi turǵyndarynyń 70 paıyzy jumys isteıdi. Qazirgi kúni qalada 154 ınvestıtsııalyq jobanyń pýly quryldy. Bıyl 25 kásiporyn iske qosylady. Jyl sońyna deıin barlyǵy 1 trln 300 mlrd teńge ınvestıtsııa tartýdy josparlap otyrmyz»n – dedi Jeńis Qasymbek.
