Elordada jyl sońyna deıin 40-tan astam «aqyldy» baǵdarsham ornatylady
ASTANA. QazAqparat - Elordada jyl sońyna deıin beıimdi basqarý júıesi bar 42 baǵdarsham ornatylady. Bul týraly «QazAqparat» HAA tilshisine Astana qalalyq jolaýshylar kóligi basqarmasy habarlady.
«Qazirgi tańda Saryarqa, Turan dańǵyldaryndaǵy jáne Saraıshyq, Syǵanaq, Máńgilik el, Qonaev, Dostyq kóshelerindegi 53 baǵdarshamǵa ITS júıesi ornatylǵan. Bıyl taǵy 42 baǵdarsham nysanyn qosý josparda bar. «EKSPO-2017» kórmesi bastalǵanǵa deıin Nájimedenov, Qoshqarbaev, Baıtursynov kóshelerindegi birneshe baǵdarsham beıimdi basqarý júıesine qosylatyn bolady», - deıdi vedomstvodan.
Basqarmada atap ótkendeı, ITS júıesi aıasynda Qozǵalysty basqarý ortalyǵy qurylady. Bul arqyly qajet bolǵan jaǵdaıda, qashyqtan baǵdarshamdardyń jumysyn basqarýǵa múmkindik týady. Ortalyqtyń operatsııalyq qyzmetin «Astana LRT» JShS operatorlary men ákimshilik polıtsııa ınspektorlary birlesip júzege asyrýda.
