Elordada jyl saıynǵy «Qamqorlyq» respýblıkalyq aktsııasy ótedi
ASTANA. QazAqparat - 10 qańtar - 10 aqpan aralyǵynda Astanada «Qamqorlyq» respýblıkalyq aktsııasy ótedi, dep habarlady astana.kz.
Maqsaty - turmysy tómen jáne kóp balaly otbasylardan shyqqan balalarǵa, jetim, ata-anasynyń qamqorlyǵynsyz qalǵan balalarǵa, sondaı-aq, áleýmettik qoldaýdy qajet etetin balalardyń basqa sanattaryna áleýmettik kómek kórsetý. Astana qalasy Bilim basqarmasynyń habarlaýynsha, aktsııanyń basty mindetteriniń biri - oqýshylardyń sabaqqa barmaýynyń sebebin anyqtaý, materıaldyq jaǵdaıy tómen otbasylardan shyqqan balalardyń ómir súrý sapasyn jaqsartýǵa yqpal etetin is-sharalardy qoldaný, qoǵamdy az qamsyzdandyrylǵan jáne turmysy tómen otbasylarǵa materıaldyq kómek kórsetýge baǵyttalǵan qaıyrymdylyq qyzmetti júzege asyrý. Aktsııa aıasynda kelesideı is-sharalar ótkiziledi: 1) turmysy tómen otbasylardy, qaraýsyz jáne baqylaýsyz júrgen balalardy anyqtaý maqsatynda reıdtik is-sharalardy uıymdastyrý jáne ótkizý; 2) mektep jasyndaǵy balalardyń sebepsiz mektepke barmaý jaǵdaılaryn anyqtaý úshin bilim berý uıymdarynyń ókilderi, medıtsına qyzmetkerleri, ata-analar, ishki ister organdary, PIK ókilderi engen jumys tobynyń qyzmetin belsendirý; 3) halyqtyń áleýmettik osal toptaryna jatatyn balalarǵa materıaldyq kómek kórsetý boıynsha is-sharalar, sonyń ishinde jalpyǵa mindetti oqý qorynan; 4) memlekettik organdardyń, bıznes qurylymdardyń ókilderinen, metsenattar jáne demeýshilerden turmysy tómen otbasylarǵa qamqorshylardy bekitý. Ótken jyly «Qamqorlyq» aktsııasy aıasynda 23 913 269 teńge jınaldy jáne áleýmettik kómekke muqtaj balalarǵa kómek kórsetildi.
