Elordada jyl saıyn 11 myńǵa jýyq neke tirkelip, 24 myń adam dúnıege keledi
ASTANA. QazAqparat - Jyl saıyn Astanada 11 myńǵa jýyq adam nekesin tirkeıdi, 24 myń adam dúnıege kelip, shamamen 4-4,5 myń adam qaıtys bolady.
Bul týraly qalalyq máslıhattyń Zań, quqyqtyq tártip jáne qoǵammen jumys jónindegi turaqty komıssııasynyń kóshpeli otyrysynda Astana qalasy ákimi apparatynyń memlekettik qyzmetterdi usynýdyń sapasyn baqylaý bóliminiń basshysy Rýslan Besheev málimdedi.
Komıssııa tóraǵasy Nıkolaı Meşerıakovtyń bastaýymen turaqty komıssııa aýdandyq ákim apparattarynyń azamattyq hal aktilerin tirkeý bólimderiniń jumysymen tanysyp, máselelerin tyńdady.
Aýdandyq azamattyq hal aktilerin tirkeý bólimderiniń jumystarymen tanysqan halyq qalaýlylary Astanada elektrondy úkimet portaly arqyly elektrondy memlekettik qyzmet kórsetýdiń úlesin arttyrý kerektigin aıtty.
Komıssııa tóraǵasy Nıkolaı Meşerıakov aýdandyq AHAT bólimderine barý kezinde anyqtalǵan máselelerdiń kóbin sheshý úshin belgili bir ýaqyt kerek ekendigin jetkizdi.
Turaqty komıssııanyń kóshpeli otyrysyna «Almaty», «Esil», «Saryarqa» aýdandary ákimderiniń orynbasarlary, departamentter men basqarmalardyń basshylary qatysty, dep habarlaıdy astana.kz.
