Elordada jyl basynan karantın talaptaryn buzýdyń 635 faktisi anyqtaldy

NUR-SULTAN. QazAqparat – 2021 jyldyń basynan beri karantın talaptaryn buzýdyń 635 faktisi anyqtaldy. Bul týraly Nur-Sultan qalalyq polıtsııa departamenti Jergilikti polıtsııa qyzmetiniń basshysy Arman Aıtmaǵambetov aıtty, dep habarlaıdy QazAqparat tilshisi.

«Bizge túrli baılanys quraldary arqyly azamattardan bıznes nysandarynyń karantın rejımin buzǵany týraly habarlamalar kún saıyn túsip turady. Jyl basynan beri karantın rejımin buzýdyń 635 faktisi anyqtaldy. Onyń ishinde túngi klýbtar, meıramhanalar, dámhanalardyń karantın rejımin buzǵany týraly 532 fakti, dúkender, saýda ortalyqtary, bazarlarda 51 fakti shashtarazdar, sulýlyq salondar, saýnalarda 26 fakti anyqtaldy. Karantın talaptaryn buzýǵa qatysty anyqtalǵan faktiler boıynsha materıaldar Nur-Sultan qalalyq taýarlar men kórsetiletin qyzmetteriń sapasy men qaýipsizdigin baqylaý departamenti jiberildi», - dedi Arman Aıtmaǵambetov elorda ákimdiginde ótken brıfıng barysynda.

Sonymen qatar ol búgingi kúnge deıin 140 zańdy tulǵa 29 mln teńgeden astam somaǵa ákimshilik aıyppul arqalaǵanyn aıtty.