Elordada jyl basynan beri jezókshelikpen aınalysqan 128 qyz, jeńgetaılyqpen aınalysqan 6 áıel ustaldy
ASTANA. 12 sáýir. QazAqparat /Marlan Jıembaı/ - Elordada jyl basynan beri jezókshelikpen aınalysqan 128 qyz, jeńgetaılyqpen aınalysqan 6 áıel ustaldy. Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.
N.Orazdyń atap ótýinshe, Astana qalalyq ІІD Uıymdasqan qylmyspen kúres basqarmasynyń qyzmetkerleri jyl basynan beri 26 jedel-aldyn alý sharasyn ótkizgen. Nátıjesinde 248 azamat tekserilip, onyń ishinde jezókshelikpen aınalysqan 128 qyz, jeńgetaılyqpen aınalysqan 6 áıel anyqtalyp, ustalǵan.
«Tekseris nátıjesinde jezókshelikpen aınalysý úshin oryndar uıymdastyrdy jáne ustady degen kúdikpen QR QK 271-baby boıynsha 5, sondaı-aq adam saýdalady degen aıyppen QR QK 128-baby boıynsha 1 qylmystyq is qozǵaldy», - dedi ol.
