Elordada jyl basynan beri jańadan 50 saılaý ýchaskesi quryldy
NUR-SULTAN. QazAqparat - Nur-Sultan qalalyq saılaý komıssııasynyń tóraǵasy Baqyt Bektemisova elordadaǵy saılaý ýchaskeleri týraly aıtyp berdi, dep habarlaıdy QazAqparat tilshisi.
«Joǵarǵy ókilettik organdy saılaý – elimizdegi eleýli qoǵamdyq-saıası oqıǵa. «Qazaqstan Respýblıkasyndaǵy saılaý týraly» QR Konstıtýtsııalyq zańynda máslıhattar depýtattaryn kezekti saılaýdy taǵaıyndaý Ortalyq saılaý komıssııasynyń quzyretine jatqyzylǵan.
Osyǵan baılanysty, Qazaqstan Respýblıkasy Ortalyq saılaý komıssııasynyń 2020 jylǵy 21 qazandaǵy № 29/334 qaýlysymen Qazaqstan Respýblıkasy máslıhattary depýtattarynyń kezekti saılaýy 2021 jylǵy 10 qańtarǵa taǵaıyndaldy», - dep eske saldy Baqyt Bektemisova.
Onyń sózine qaraǵanda, Nur-Sultan qalasynda 354 saılaý ýchaskesi bar: 5 aýmaqtyq jáne 349 ýchaskelik. Olardyń ishinde 66 ýchaskelik saılaý komıssııasy Qazaqstan Respýblıkasynyń shet elderdegi ókildikteriniń janynda.
«Jyl basynan beri jańadan 50 saılaý ýchaskesi quryldy. Qazirgi jaǵdaı boıynsha Nur-Sultan qalasy boıynsha barlyǵy 3322 komıssııa múshesi bar, olardyń ishinde 35-i aýmaqtyq jáne 3287-si ýchaskelik», - dedi B. Bektemisova.
