Elordada jyl basynan beri mas kúıinde 430 júrgizýshi ustaldy

NUR-SULTAN. QazAqparat - Demalys kúnderi Nur-Sultan qalasynyń aýmaǵynda mas kúıinde kólik júrgizgeni úshin Polıtsııa departamentiniń qyzmetkerleri 9 júrgizýshini ustady, dep habarlaıdy QazAqparat.

Aǵymdaǵy jyldyń basynan beri kólik quralyn mas kúıinde júrgizgen 430 júrgizýshi ustaldy.

2020 jyldyń qańtarynan bastap jazalaý sharasy qatańdatylǵanyna qaramastan, ótken jyldyń uqsas kezeńimen salystyrǵanda buzýshylyqtardyń ósýi baıqalady. Ótken jyly osyndaı kezeńde 418 mas júrgizýshi ustaldy.

2022 jyly júrgizýshilerdiń qatysýymen mas kúıinde 62 jol-kólik oqıǵasy oryn aldy (2021 – 79).

Ustalǵan adamdar ákimshilik sottyń sheshimimen on bes táýlikten jıyrma táýlikke deıin ákimshilik qamaýǵa nemese jeti jyl merzimge kólik quralyn júrgizý quqyǵynan aıyrý túrinde ákimshilik jaýapkershilikke tartyldy.

Sonymen qatar, 16 júrgizýshi jaqyn shetel azamattary bolyp tabylady, olar Qazaqstan Respýblıkasy Zańynyń normalaryna sáıkes ákimshilik jaýapkershilikke tartylǵan jáne qazirgi ýaqytta QR sheginen shyǵarý máselesi sheshilýde.