Elordada jyl basynan beri KVI juqtyrǵan 57 júkti áıel deni saý sábı bosandy

NUR-SULTAN. QazAqparat - Nur-Sultan qalasy ákiminiń orynbasary Baqtııar Máken elordanyń densaýlyq saqtaý mekemeleriniń bas dárigerlerimen keńes ótkizdi. Kezdesýde halyqty jappaı vaktsınatsııalaý máseleleri talqylandy, dep habarlaıdy QazAqparat qala ákimdiginiń resmı saıtyna silteme jasap.

Keńeske qatysýshylar qazirgi epıdemıologııalyq jaǵdaıdy, medıtsınalyq mekemelerde dári-dármekterdiń, medıtsınalyq jabdyqtardyń bolýyn, sondaı-aq halyqty KVI-dan jappaı vaktsınatsııalaý jumystaryn talqylady.

«Taýarlar men qyzmetterdiń sapasy men qaýipsizdigin baqylaý departamenti SOO-lardaǵy mobıldi ortalyqta júrgizilip jatqan jumystan habardar etti. Ekpe alǵysy keletinder qatary 1,5 esege artty. Dárigerler naýqastardy emdeý jolynda basynan keshken oqıǵalaryn áńgimeledi. Jaqynda KVI-men aýyr kúıde túsip, ókpesi 99% zaqymdanǵan júkti naýqas emdelip, №2 kópsalaly qalalyq aýrýhanadan shyǵaryldy, júrek jetispeýshiligi jáne basqa da aýrýy bar naýqastar emdelip, burynǵy ómirine qaıta oraldy. Jyl basynan beri COVID-19 juqtyrǵan 57 júkti áıel deni saý sábı bosandy», - dedi Baqtııar Máken.

Qala ákiminiń orynbasary COVID-19-ǵa qarsy kúres boıynsha jumysty jalǵastyrýdy, turǵyndar arasynda vaktsınatsııa boıynsha aqparattyq-túsindirý júrgizýdi, halyqty vaktsınatsııaǵa jazatyn call-ortalyqtardyń jumysyn kúsheıtýdi, kadrlar máselelerin baqylaýǵa alýdy, sondaı-aq medıtsına mekemelerinde dári-dármektiń bar-joǵyna kún saıyn monıtorıng júrgizýdi tapsyrdy.