Elordada jyl basynan beri 113 mlrd teńgege medıtsınalyq qyzmet kórsetildi
2020 jyldyń 11 aıynda 113 mlrd teńgeden asa somaǵa medıtsınalyq qyzmet kórsetilgen. Onyń ishinde TMKKK aıasynda – 76,5 mlrd teńge , MÁMS júıesinde – 36,6 mlrd teńge .
«Osy aralyqta kórsetilgen konsýltatıvtik-dıagnostıkalyq qyzmetterge 14,3 mlrd teńge tólendi , 5409 joǵarytehnologııalyq medıtsınalyq qyzmetke – 1 mlrd teńgeden astam , 97 536 stomatologııalyq qyzmetke – 225 mln teńge tólendi. Al Nur-Sultan qalasy boıynsha statsıonarda emdelgender sany - 199 363», - deıdi «Áleýmettik medıtsınalyq saqtandyrý qorynyń elorda fılıalynyń dırektory Nurlybek Qabdyqaparov.
Medıtsınalyq saqtandyrý qory 2020 jylǵy 1 jeltoqsandaǵy jaǵdaı boıynsha Nur-Sultan qalasynda 100 qyzmet jetkizýshi medıtsınalyq uıymmen kelisimshartqa otyrǵan.
Emdeý mekemeleriniń 32-si – memlekettik, 60-y – jekemenshik, 8-i - respýblıkalyq medıtsına uıymdary.
Onyń ishinde ambýlatorııalyq-emhanalyq kómek kórsetetin uıym – 35, táýlik boıy jumys isteıtin statsıonar – 30, statsıonardy almastyratyn kómek kórsetýshiler – 77, konsýltatıvtik-dıagnostıkalyq kómek kórsetetin medıtsınalyq mekeme – 12.
