Elordada jyl basynan beri 10 myńnan astam páter paıdalanýǵa berildi
ASTANA. 18 qarasha. QazAqparat - Astanada salynyp jatqan páterler sany azaıyp, onyń esesine, jekemenshik úıler qurylysy ulǵaıdy. Bul jaıynda elordanyń resmı saıty habarlap otyr.
Statıstıka departamentiniń málimetinshe, 2012 jyldyń qańtary men qazany arasynda elordada jalpy kólemi 1 mln. sharshy metrden astam 11 049 páter paıdalanýǵa berilgen. Bul 2011 jyldyń osy kezeńimen salystyrǵanda 7,9 % tómen.
«Jeke úı salýshylar atalǵan merzimde jalpy kólemi 40 myń sharshy metrden astam úı salǵan. Bul 2011 jyldyń qańtar-qazan aılary deńgeıimen salystyrǵanda 102,9%-dy quraıdy. Sonymen, jeke úı salýshylardyń úlesi 2011 jyldyń qańtar-qazan aılarymen salystyrǵanda 3,5%-dan 3,9%-ǵa ósip otyr», - dep málimdeıdi Statıstıka departamenti.
