Elordada jyl basynan beri 1,5 myńǵa jýyq jas jumysqa ornalasty
NUR-SULTAN. QazAqparat - Nur-Sultan qalasyndaǵy jumyspen qamtý ortalyǵyna jumysqa ornalastyrý máselelesimen 2 538 jas júgindi. Bul týraly basqarmasy basshysy Qaırat Qambarov aıtty, dep habarlaıdy QazAqparat.
Jyl basynan beri elordanyń jumyspen qamtý ortalyǵy arqyly 1 493 adam jumysqa ornalasqan. Onyń 626-sy turaqty jumysqa ornalassa, «Jastar tájirıbesi» baǵdarlamasymen - 209, áleýmettik jumys oryndaryna - 33, qoǵamdyq jumystarǵa - 606, birinshi jumys ornyna 16 jas tartyldy, sondaı-aq jańa bıznes-ıdeıalardy iske asyrý úshin granttar berildi.
«Baǵdarlamalar sheńberinde eńbekaqy mólsheri de artty. Mysaly, «Jastar tájirıbesi« jobasy boıynsha - 107 myń teńge, al «Qoǵamdyq jumystar« jobasy boıynsha 102 myń teńge tólenedi. Osy jobalardaǵy jumyspen qamtýdyń arqasynda jastar tájirıbe jınap, ózin tanytýǵa, jumys berýshige óz qabiletterin kórsetýge múmkindik alady», - dep atap ótti jaýapty maman.
