Elordada jýrnalıster arasynda BAQ League 2018 fýtbol birinshiliginiń 4 maýsymy bastaldy
ASTANA. QazAqparat - Elordada jýrnalıster arasynda BAQ League 2018 fýtbol birinshiliginiń 4 maýsymy bastaldy. Birinshilikte komandalar A jáne B lıgalarynda kúsh synasady, dep habarlaıdy «SPORTINFORM» SAA.
BAQ League - Qazaqstan jýrnalısteri arasynda jarystar tarıhynda eń birinshi tolyqqandy fýtbol birinshiligi. BAQ lıgasy jýrnalısterdi biriktirip, olarǵa jańa iskerlik baılanystar tabýǵa kómektesý, sonymen qatar korporatıvtik mádenıet pen qundylyqtardy qalyptastyrý jáne jaqsartý maqsatynda qurylǵan bolatyn.
BAQ League birinshiliginiń birinshi maýsymy 2016 jyly ótti. Sol ýaqytta jarysqa qatysqan 11 komanda arasynda «Habar» agenttigi bas júldege ıe bolsa, «Qazaq radıosy» vıtse-chempıon atanǵan edi. Al júldeli úshinshi oryn Astana fýtbol federatsııasynyń baspasóz qyzmetine buıyrdy.
2017 jyldyń mamyrynda ótken BAQ League ekinshi maýsymynda «Habar» agenttigi taǵy da óziniń myqtylyǵyn dáleldedi. Júldeli ekinshi jáne úshinshi oryndar «Elorda Aqparat» pen «Astana» telearnasynyń qanjyǵasyn maılady.
Al úshinshi maýsymda da «habarlyqtar» úzdik tanyldy. Ekinshi oryn QR Aqparat jáne kommýnıkatsııalar mınıstrliginiń Saraptama jáne aqparat ortalyǵynyń komandasyna, úshinshi oryn «Qazmedıa» ortalyǵyna buıyrǵan edi.
Al birinshiliktiń tórtinshi maýsymyna mynadaı 13 komanda qatysýda: «Habar», «Habar 24», «Sport» gazeti, Egemen Qazaqstan» gazeti, QR Aqparat jáne kommýnıkatsııalar mınıstrliginiń Saraptama jáne aqparat ortalyǵy, «Qazmedıa» ortalyǵy, «Qazaqstan» telearnasy, «Evrazııa birinshi arnasy», «Asyl Arna» telearnasy, «Elorda Aqparat», «Qalamger» agenttikteri jáne «SPORTINFORM - Kazinform» birikken komandasy.
