Elordada júrgizilgen «Stop-trafık» sharasynyń barysynda 95 adamdy tártip saqshylarynyń quryǵyna ilindi
ASTANA. 31 mamyr. QazAqparat /Aıdar Ospanalıev/ - Astana qalalyq Іshki ister departamentiniń Uıymdasqan qylmyspen kúres basqarmasynyń qyzmetkerleri «Stop-trafık» jedel-saýyqtyrý sharasynyń barysynda 95 adamdy ustady.
Bul týraly búgin osy máselege baılanysty qalalyq Іshki ister departamentinde ótken brıfıngte málim boldy.
Ustalǵan azamattardyń 84-i aqyly túrde ıntımdi qyzmet kórsetýmen aınalysyp júrgen. Olardyń 32-i arnaıy esepke qoıyldy. Departamentke jetkizilgen azamattardyń barlyǵy da ishki ister salasy boıynsha tekserýlerden ótip, «Beıne+» esebiniń tizimine engizildi. Al qalalyq qabyldap-jaıǵastyrý ornyna 9 qyz ornalastyryldy. Olardyń 6-ýy Qazaqstan azamatshalary, al ózgeleri Ózbekstannan kelgen.
Eskerte keteıik, «Stop -trafık» jedel saýyqtyrý sharasy prıtondardyń qyzmetine tosqaýyl qoıyp, jezókshelikpen aınalysýǵa májbúrleý, adam trafıgine alyp keletin qylmys túrleriniń qylmystarmen kúres sııaqty áreketterdiń aldyn alýǵa baǵyttalǵan. Shara elordada 23- 27 mamyr aralyǵynda ótkizildi. Tártip saqshylary Astanadaǵy saýnalardy tekserip, qalanyń 3 turǵynyn ustady. Olar saýna qyzmetin paıdalanýshylarǵa qyzdar taýyp berip, osy qyzmeti úshin mol paıdaǵa kenelip júrgen. Osy áreket boıynsha qylmystyq is qozǵaldy.
