Elordada jýranalıster arasynda shaǵyn fýtboldan «Majilis Cup» týrnıri ótti
ASTANA. KAZINFORM – Respýblıka kúnine oraı, Astana qalasynda Parlament Májilisiniń uıymdastyrýymen BAQ ókilderi arasynda shaǵyn fýtboldan «MAJILIS CUP – 2024» respýblıkalyq týrnır ótti.
Týrnırdi Parlament Májilisiniń depýtaty Elnur Beısenbaev ashyp, jarysqa qatysýshylardy Respýblıka kúnimen quttyqtady. Ol dástúrli jarys osymen úshinshi márte ótip jatqanyn, jyl saıyn dodaǵa degen qyzyǵýshylyq joǵary ekenin atap ótti.
Jarysqa Shyǵys Qazaqstan, Jetisý, Túrkistan, Qyzylorda, Almaty oblystarynan, Shymkent pen Almaty qalalarynan, sondaı-aq Astanadan jalpy 19 komanda qatysty.
Dodada komandalar 4 topqa bólinip jarysty. Ár toptan 2 komanda pleı-off kezeńi joldama alyp, ózara myqtyny anyqtady.
Qortyndysynda, Astanalyq SportPlus komandasy týrnır jeńimpazy atansa, Turkistan TV komandasy ekinshi oryndy qanaǵat tutty. Al úshinshi oryndy Shymkent komandasy ıelendi.
Aıta keteıik, týrnırdiń alǵashqy chempıony «Habar» komandasy bolǵan. Al byltyr kýbok Taldyqorǵannyń «Qareket» komandasyna buıyrdy.
Eske sala keteıik, konferentsııa lıgasy: «Astana» Ýelstiń «Nıý-Seınts» komandasyna ese jiberdi.
