Elordada jumyssyzdyq deńgeıi tómendedi

ASTANA. 23 jeltoqsan. QazAqparat - Ekonomıkalyq belsendi turǵyndarǵa shaqqanda tirkelgen jumyssyzdar deńgeıi 2012 jyldyń úshinshi toqsanynda  5,6%-dy qurady. 

 2011 jyldyń osy kezeńimen salystyrǵanda  (5,8%)  ol  0,1 paıyzǵa azaıyp,  9 aıdyń qorytyndysy boıynsha  5,7 %-dy qurady. Jastar jumyssyzdyǵynyń deńgeıi 2010 jylǵy  11,2 %-dan  2011 jyly  9 %-ǵa  deıin tómendedi.

Astana.kz  saıtyna qalalyq Jumyspen qamtý jáne áleýmettik baǵdarlamalar basqarmasynan habarlaǵandaı, áleýmettik qorǵaýdyń pármendik sharalarymen  10 548 adam  (84,3 %) qamtyldy.  Jumyssyzdar  qatarynda mamandyǵy  joq  jumys kúshiniń  kóptigi eskerilip, qoǵamdyq jumystardy uıymdastyrýǵa  basa nazar  aýdaryldy. Qala  ákimdiginiń qoǵamdyq jumystardy uıymdastyrý jónindegi qaýlysyna sáıkes túrli menshiktegi 135 kásiporynmen kelisim shart jasaldy.  Jyl basynan beri qoǵamdyq jumystarǵa  3144  jumyssyz qatysyp, onyń  1380-i sabaqtan  bos ýaqytta jumys istegen jastar boldy. 

Kásiptik oqýǵa -1335  adam, olardyń - 491-i  Jumyspen qamtý 2020 baǵdarlamasynyń birinshi baǵyty boıynsha  jiberildi. Jastar tájirıbesine 692 adam, olardyń  347 adamy  Jumyspen qamtý 2020 Baǵdarlamasy aıasynda joldandy; halyqtyń maqsatty toptary úshin  362  áleýmettik jumys orny  ashylsa,  onyń  224-i  -  Jumyspen qamtý 2020 baǵdarlamasy boıynsha.

Bıylǵy jyldyń basynan beri ekonomıkanyń  túrli salasynda  16 899  jańa jumys orny ashyldy.

Jumyssyz qalǵan  998 adam ( 2010 jyly - 2 471,  2011 jyly  - 2 059) járdemaqy  aldy.