Elordada jumysshy 10-qabattan qulap ketti
NUR-SULTAN. QazAqparat – Elordada salynyp jatqan turǵyn úı keshenderiniń biriniń 10-qabatynan jumysshy qulap ketti, dep habarlaıdy QazAqparat tilshisi.
Nur-Sultan qalalyq tótenshe jaǵdaılar departamentiniń baspasóz qyzmeti oqys oqıǵanyń oryn alǵany týraly habarlama saǵat 10:50-de túskendigin atap ótedi.
«Búgin saǵat 10:50-de Nur-Sultan qalalyq tótenshe jaǵdaılar departamentine Esil aýdanyndaǵy Máńgilik el 80 mekenjaıynda jańadan salynyp jatqan «Alınger» turǵyn úı kesheninde qaıǵyly jaıt oryn alǵany týraly habarlama tústi. Qurylys kompanııasynyń 1988 jyly dúnıege kelgen jumysshysy 10-qabattan qulap ketti. Ol №2 qalalyq aýrýhanaǵa jetkizildi», - dep atap ótedi vedomstvodan.
