Elordada jumys «izdegen» 20 jastaǵy qyz urlyqpen qolǵa tústi
NUR-SULTAN. QazAqparat - Elordada buryn isti bolǵan 20 jastaǵy boıjetken urlyq jasap, krımınaldyq polıtsııa qyzmetkerleriniń qolyna qaıta tústi, dep habarlaıdy QazAqparat tilshisi.
«Kúdikti oqý ortalyqtaryna jumys izdep barǵan bolyp, ashyq turǵan kabınetterden smartfondar men aqsha urlaǵan. Jedel izdestirý sharalarynyń arqasynda polıtsııa ókilderi qyzdy bir táýlik ishinde qolǵa túsirdi. Ol óz kinásin moıynda, eki birdeı oqý ortalyǵynda urlyq jasaǵanyn aıtty», - dedi qalalyq Polıtsııa departamentinen.
Urlyq faktileri boıynsha sotqa deıingi amaldar júrgizilýde. Kúdikti ýaqytsha ustaý ızolıatoryna jetkizildi. Qazir onyń ózge de urlyq qylmystaryna qatystylyǵy anyqtalyp jatyr.
Elorda polıtseıleri boıjetkenniń zańǵa qaıshy áreketterinen zardap shekkenderdi «102» nómirine júginýdi surady.
