Elordada jumys berýshiden iri kólemde aqsha urlaǵan bala kútýshisi ustaldy

NUR-SULTAN. QazAqparat – Polıtsııaǵa qala turǵyny habarlasyp, páterinen 8700 AQSh dollary urlanǵanyn aıtqan, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Aryz berýshiniń aıtýynsha, ol otbasynda bala kútýshi bolyp jumys isteıtin 35 jastaǵy áıelden kúdiktengen. Kúdikti áıel aryzdanýshyda bıylǵy jyldyń tamyz aıynan bastap jumys istegen. Páter ıeleriniń joqtyǵyn paıdalanyp, ol jatyn bólmesindegi sómkeden aqsha urlaǵan.

Jedel izdestirý sharalary barysynda kúdikti áıel turǵylyqty jeri boıynsha kóp uzamaı ustaldy. Áıelden urlanǵan aqsha tabylyp, tárkilendi. Áıel 2 myń dollardy aıyrbastap alǵan, biraq urlanǵan aqshany paıdalanyp úlgermegen, óıtkeni ony jedel ýákilder ustap alǵan. Atalǵan fakti boıynsha sotqa deıingi tergeý amaldary júrgizilýde. Kúdikti óz kinásin moıyndady. Elorda aýmaǵynda buryn jasalǵan osyǵan uqsas qylmystarǵa onyń qatysy bar-joǵy tekserilýde.