Elordada jumys isteıtin jastar jalǵa berilgen baspanadan turaqty baspanasyna qalaı kóshe alady

ASTANA. KAZINFORM - Osydan bes jyl buryn Astanada jumys isteıtin jastarǵa satyp alý quqyǵy joq alǵashqy jalǵa beriletin turǵyn úı baǵdarlamasyn iske qosty.

Bul myńdaǵan qala turǵynyna bes jyl ishinde óz úılerine aqsha jınaýǵa múmkindik berdi. Astana ákimdiginiń málimetinshe, olar endi «Elorda jastary» baǵdarlamasy boıynsha páterin satyp ala alady.

2019 jyldan beri jumys isteıtin jastarǵa arnalǵan bes jyldyq jalǵa beriletin baspana baǵdarlamasyna qatysýǵa 17 myńǵa jýyq adam ótinish bildirgen. Osy ýaqyt ishinde olarǵa úsh myńnan astam páter berildi.

Jaldamaly páterdi alǵash alǵandardyń qatarynda Nurlybek Muratov ta bar. Jas maman retinde 2020 jyly baspanaly boldy. Kelisimshart aıaqtalmaı jatyp-aq, birneshe jyldyń ishinde ol ıpoteka boıynsha bastapqy jarnaǵa aqsha jınap, jeke páterin satyp aldy.

- Bul baǵdarlama jumys isteıtin jastar úshin baspanaǵa qoljetimdi bolýymen óte yńǵaıly jáne tıimdi. Aı saıynǵy tólem – bir bólmeli bolsa 10 000 deıin. Otaǵasy retinde men eshqandaı aýyrtpalyq sezingen joqpyn, - dedi ol.

«Elorda jastary» baǵdarlamasy aıasynda eńbek sharty jaramdy jastarǵa, sondaı-aq bilim, densaýlyq saqtaý, sport, mádenıet, áleýmettik qorǵaý, polıtsııa jáne t.b. salalarda jumys isteıtin 35 jasqa deıingi azamattarǵa basymdyq beriledi. Negizgi shart – Astanada turaqty tirkeýdiń bolýy, sońǵy bes jylda jyljymaıtyn múliktiń bolmaýy jáne tıisti tabys.

- Olar 18 mıllıonǵa deıin páter taba alady. Al bastapqy tólem 10% – 1 mıllıon 800 myń, ol 19 jylǵa, 5 paıyzben beriledi. Meniń oıymsha, bul óte tıimdi. Sondaı-aq olar qaıtalama jáne bastapqy naryqtan da páter satyp ala alady, - dep atap ótti elordalyq jastar saıasaty máseleleri basqarmasynyń bas mamany Baljan Qolǵanat.

Tolyǵyraq aqparat zhilfond.kz saıtynda jáne turǵyn úı qorynyń áleýmettik jelilerdegi resmı paraqshalarynda jarııalanady.