Elordada «Juldyzdardyń qoltańbasy» kórmesi ashyldy
ASTANA. 17 qańtar. QazAqparat - 7-Qysqy Azııa oıyndarynyń elordadaǵy resmı oıyn-saýyq kesheni bolyp tabylatyn «Saryarqa» saýda úıiniń 2-qabatynda «Juldyzdar qoltańbasy» kórmesi ashyldy.
"Onda álemge tanymal fýtbolshylardyń qoltańdalary qoıylǵan fýtbolkalar qoıylyp otyr", - dep habarlady Astana qalasynyń Týrızm, dene shynyqtyrý jáne sport basqarmasynan.
Kórmege 90-nan astam jádiger qoıylǵan, olardyń qatarynda Maradona, Pele, Paolo Maldını, Erık Kantona, Devıd Bekhem, Zıdan, Ronaldıno, Kaka, Messı, Anrı, Drogba sııaqty ataqty aıaqdop sheberleriniń qoltańbalary, sondaı-aq «Mılan», «Bavarııa», Arsenal» sııaqty fýtbol klýbtarynyń jáne 1986 jylǵy Argentına quramasynyń sańlaq sportshylarynyń qoltańbalary bar.
Kelýshilerge esik ashyq. Kórme Azııalyq oıyndar aıaqtalǵansha isteıdi.
