Elordada juqpaly aýrýǵa shaldyqqan maldyń eti satylyp jatqany jaıly aqparat — feık
ASTANA. KAZINFORM — Messendjerler men áleýmettik jelilerde Astana qalasy «Álem» saýda ornyna sibir jarasy aýrýyna shaldyqqan mal etiniń jetkizilgeni týraly taraǵan aqparat shyndyqqa janaspaıdy. Bul týraly Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti resmı málimdedi.
— Búginge deıin elordadaǵy saýda ortalyqtarynda, sonyń ishinde «Álem» saýda ornynda juqpaly et óniminiń satylýy nemese jetkizilýi týraly eshqandaı fakti tirkelgen joq. Barlyq jetkizilgen et ónimi mindetti veterınarlyq-sanıtarlyq tekserýden ótedi. Sondyqtan turǵyndardyń alańdaýyna esh negiz joq. Buǵan deıin biren-saran jaǵdaı tirkelgen Atbasar aýdanynda keshendi dezınfektsııalyq jumystar tolyq aıaqtaldy. Qaýipti et ónimderi belgilengen sanıtarlyq tártippen joıyldy. Turǵyndar medıtsınalyq tekserýden ótip jatyr, — delingen habarlamada.
Osy oraıda Veterınarııalyq baqylaý jáne qadaǵalaý komıteti azamattardy tek resmı derekkózderge, ıaǵnı Aýyl sharýashylyǵy mınıstrligi men Veterınarııalyq baqylaý jáne qadaǵalaý komıtetiniń aqparattaryna senýge shaqyrady.
Sondaı-aq jalǵan aqparat taratý Qazaqstan Respýblıkasy zańnamasyna sáıkes jaýapkershilikke ákeletinin eskertedi.
Birer kún buryn Aqmola oblysynda sibir jarasynyń terige shyǵatyn túri tirkelgeni týraly habarlaǵan edik.