Elordada júk tasymaldaý kólemi byltyrǵydan kóbeıdi
ASTANA. QazAqparat - Astana qalasy Statıstıka departamentiniń habarlaýynsha, bıylǵy jyldyń alǵashqy alty aıynda byltyrǵy jyldyń sáıkes merzimimen salystyrǵanda júk tasymaly kólemi ulǵaıdy, dep habarlady qalalyq ákimdiktiń baspasóz qyzmetinen.
«Astana qalasy Statıstıka departamentiniń habarlaýynsha, 2015 jylǵy qańtar-maýsymda qala kóligimen (júk avtokóligi bar jáne kommertsııalyq tasymalmen aınalasatyn kóliktik emes uıymdar men jeke tulǵalardyń júk tasymaldaý kólemin baǵalaýdy qosa alǵanda) 61903,5 myń tonna júk tasymaldandy, sonymen qatar jalpy júk aınalymy 3886,8 mln. tonna km qurady. 2014 jyldyǵ sáıkes merzimimen salystyrǵanda tasymaldanǵan júk kólemi 7,8% artty», delingen habarlamada. Sondaı-aq, jeke kásipkerler tasymalyn qosqanda, qalanyń avtomobıl kóligimen 2015 jylǵy qańtar-maýsymda 1088,7 mln. jolaýshy, sonyń ishinde qalanyń kóliktik kásiporyndarymen 237,6 mln. adam (21,8%), jeke kásipkerlermen 851,1 mln. adam (78,2%) tasymaldandy.
