Elordada júk kólikteriniń qozǵalysy qatań baqylaýǵa alyndy
ASTANA. KAZINFORM — Jol qozǵalysy qaýipsizdigin arttyrý jáne joldyń buzylýyn aldyn alý maqsatynda aǵymdaǵy jyldyń 1 sáýirinen bastap Astana qalasynda aýyr júk kólikteriniń qozǵalysyna baqylaý kúsheıtiledi. Bul týraly Kólik mınıstrligi málim etti.
Atalǵan sharalar Qazaqstan Respýblıkasy Kólik mınıstrligi Avtomobıl kóligi jáne kóliktik baqylaý komıteti, qala ákimdigi jáne polıtsııa organdarymen birlesip júzege asyrylyp otyr.
— Baqylaý qalaǵa kiretin jáne shyǵatyn negizgi baǵyttardaǵy jyljymaly kólik baqylaý beketteri arqyly, sondaı-aq avtomattandyrylǵan salmaq ólsheý stantsııalarynyń kómegimen júzege asyrylyp jatyr, — delingen habarlamada.
Belgilengen salmaq parametrlerinen asyp ketken jaǵdaıda, quqyq buzýshylarǵa buzýshylyq deńgeıine qaraı aıyppul sanktsııalary qoldanylady.
Sonymen qatar, 2025 jylǵy 23 naýryz ben 1 mamyr aralyǵynda respýblıkalyq mańyzy bar avtomobıl joldarymen júretin kólik quraldary úshin ostik júktemege qosymsha shekteýler engizilgen.
Astana qalasy joldarynyń saqtalýyn jáne jol qozǵalysy qaýipsizdigin qamtamasyz etý maqsatynda aýyr júk kólikterine baqylaý jumystary jalǵasatyn bolady.
Aıt aketeıik, elektrondyq kezek arqyly shekaradan 1 mln astam júk kóligi ótken.