Elordada JRVI-men aýyrǵandar sany kúrt artty
NUR-SULTAN. QazAqparat – Nur-Sultan qalasynda JRVI juqtyrǵandar sanynyń kúrt ósýi baıqalady. Bul týraly elordanyń bas sanıtar dárigeri Sarhat Beısenova málim etti, dep habarlaıdy QazAqparat tilshisi.
«Epıdemııalyq maýsym bastalǵaly beri elordada JRVI aýrýynyń 44 392 jaǵdaıy tirkeldi. Onyń ishinde A tıpti tumaýdyń 32 jaǵdaıy esepke alynyp otyr. JRVI-dy juqtyrý kórsetkishi 100 myń turǵynǵa shaqqanda 3748 adamdy qurap otyr. Bul ótken jyldyń osy kezeńiniń salystyrǵanda 6,4 ese joǵary. Atalǵan ınfektsııa kóbinese 14 jasqa deıingi balalar arasynda taralyp otyr. Olardyń úlesi 60,8% -dy quraıdy. Sondaı-aq, 1 jasqa deıingi aýyrǵan balalardyń úlesi 6 % jáne júkti áıelder úlesi 3,3%- dy quraıdy», - dedi Sarhat Beısenova.
Elordanyń bas sanıtar dárigeri JRVI-diń balalar arasynda jıileýiniń sebebin oqý jylynyń bastalýymen baılanystyryp otyr.
«Bul mektep, orta arnaýly jáne JOO-da oqý jylynyń bastalýymen baılanysty. Jalpy JRVI juqtyrýshylardyń 27,8% oqýshylar jáne 16,2% mektep jasyna deıingi balalar jáne 7 % stýdentter qurap otyr», - deıdi ol.
Onyń aıtýynsha, elordada 170 myńnan astam turǵyn JRVI-ǵa qarsy vaktsına aldy.
Sondaı-aq, maman JRVI-dan saqtaný sharalaryna qatysty keńes berdi:
- adamdar kóp jınalatyn jerlerde jáne qoǵamdyq kólikte bolý ýaqytyn shekteý;
- adamdar kóp jınalatyn jerlerde maska kıińiz;
- aýrýdyń belgileri bar adamdarmen tyǵyz baılanysta bolýdan aýlaq bolyńyz;
- qoldy sabynmen jýý, quramynda spırt bar, dezınfektsııalyq maılyqtarmen óńdeý;
- áleýmettik qashyqtyqty saqtaý;
- muryn qýysyn tuzdy eritindimen ylǵaldandyryńyz nemese kósheden keıin tuzdy eritindimen shaıyńyz, oksalın jaqpa maıyn jáne dárýmenderdi qoldanyńyz;
Eger siz aýyryp qalsańyz, asqynýlardyń aldyn alý úshin ýaqtyly medıtsınalyq kómekke júginińiz jáne ınfektsııanyń ózgelerge jáne jaqyn adamdarǵa taralýyn toqtatý úshin barlyq saqtyq sharalaryn qoldanyńyz!
