Elordada JOO aýmaǵynda alǵashqy stomatologııalyq kabınet ashyldy
ASTANA. 18 jeltoqsan. QazAqparat - L.N.Gýmılev atyndaǵy Eýrazııa Ulttyq ýnıversıteti óz aýmaǵynda tutastaı stýdenttik medıtsınalyq keshen uıymdastyrǵan elimizdegi alǵashqy joǵary oqý orny bolyp tabylady.
Atalǵan stýdenttik medıtsınalyq ortalyqta JOO tuńǵysh stomatologııalyq kabınet ashyldy. Bul týraly astana.kz saıtyna Salýatty ómir saltyn saqtaý ortalyǵynan habarlady.
Ortalyqqa kelgen árbir stýdentke jedel ári tıimdi medıtsınalyq jáne psıhologııalyq kómek tegin kórsetiledi, ol óz ýaqytyn únemdep, anonımdiligin qamtamasyz etedi.
Stomatologııalyq kabınet stýdentterdiń ǵana emes, ýnıversıtet qyzmetkerleriniń de tisterin qarap, tekserip turady.
«Bári de stýdentter úshin» jobasy aıasynda stýdentter men ýnıversıtet qyzmetkerlerine anonımdi qyzmet kórsetetin «Daýa» densaýlyq ortalyǵy jumys isteıdi. Onda joǵary bilikti psıhıatr, gınekolog jáne dermatovenerolog mamandar keńes beredi.
Aıta keteıik, ótken jylǵa qaraǵanda bıyl emdelýshilerdiń sany 3039 adamǵa artqan. 2013 jyly medıtsına qyzmetkerleri 24 567 stýdentti qabyldady. Atalǵan áleýmettik nysandar stýdentterge qoljetimdi sapaly ambýlatorııalyq-emhanalyq medıtsınalyq kómek kórsetý, syrqattardy erte anyqtaý maqsatynda quryldy.
