Elordada joldardyń jabylýy týraly habarlama jalǵan bolyp shyqty
ASTANA. KAZINFORM — Astana ákimdigi kóshelerdiń jabylýy týraly qaýesetti joqqa shyǵardy.
Qalalyq ákimdiktiń baspasóz qyzmetiniń málimetinshe, Astana qalasynda 22-24 sáýir aralyǵynda kóshelerdiń jabylý kestesi týraly messendjerler men áleýmettik jelilerde tarap jatqan aqparat shyndyqqa saı kelmeıdi.
— Naqty ýaqyt aralyqtary men kósheler tizimi kórsetilgen mátinniń senimsiz ekenine nazar aýdaramyz. Osyǵan deıin kóshe-jol jelisiniń jekelegen ýchaskelerinde ǵana qozǵalysqa ýaqytsha shekteýler qoıylýy múmkin ekendigi habarlanǵan bolatyn. Osylaısha, kúni, ýaqyty jáne kósheleri boıynsha bólingen habarlama resmı bolyp sanalmaıdy jáne shyndyqqa sáıkes kelmeıdi. Azamattardan tek resmı aqparat kózderine senýdi, sondaı-aq tekserilmegen málimetterdi taratpaýdy suraımyz, — delingen habarlamada.
Osyǵan deıin elordada birneshe kósheniń qıylysy jóndeý jumysyna baılanysty ýaqytsha jabylatynyn jazǵanbyz.
Budan buryn elordaǵa 2026 jylǵy Óńirlik ekologııalyq sammıtke qatysý úshin tórt memlekettiń basshysy kelgenin jazǵanbyz.
