Elordada «Joldardaǵy balalar qaýipsizdigi» is-sharasy bastaldy

NUR-SULTAN. QazAqparat – Búgin elordada «Joldardaǵy balalar qaýipsizdigi» is-sharasy bastaldy, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, 2022 jylǵy 14-23 aqpan aralyǵynda elorda aýmaǵynda «Joldardaǵy balalar qaýipsizdigi» atty respýblıkalyq jedel aldyn alý is-sharasy ótkiziledi.

«Іs-sharanyń maqsaty - balalardyń jol-kólik oqıǵalary saldarynan alatyn jaraqattarynyń deńgeıin tómendetý, sondaı-aq kámeletke tolmaǵandardyń joldardaǵy qaýipsiz minez-qulyq daǵdylaryn nyǵaıtý. Qala joldarynda qyraǵylyq pen saqtyqty tanytýdy suraımyz», - dep atap ótedi departamentten.