Elordada joldar boıyndaǵy belgilerdi jańartý jumystary bastaldy - jol polıtsııasy
ASTANA. 10 sáýir. QazAqparat - Búginnen bastap elordanyń kóshe joldary jelisinde jol belgilerin jańartý jumystary júrgiziledi.
Bul aqparatty Astana qalalyq ІІD Jol polıtsııasy basqarmasynyń baspasóz qyzmeti taratyp otyr.
Vedomstvonyń aqparatyna sáıkes, jol belgilerin jańartý barysynda boıaýlar, termoplastık pen sýyq plastıkter qoldanylady. Qazirgi ýaqytta aýa temperatýrasy 15 gradýstan joǵary kóterilmeı otyrǵandyqtan jumystar kúndiz júrgiziledi. Al aýa temperatýrasy kóterilgen kezde jol belgilerin jańartý jumystarynyń kestesi qaıta qarastyrylatyn bolady, ıaǵnı jumystar túngi ýaqytta júrgiziledi.
«Osyǵan oraı jol polıtsııasy jol qozǵalysynyń barlyq qatysýshylaryna barynsha uqypty bolýǵa jáne jumys júrgizilip jatqan jerlerge qoıylǵan jol belgileriniń talaptaryn qatań saqtaýǵa shaqyrady», - delingen habarlamada.
