Elordada «Jolda qabyldaý» respýblıkalyq aktsııasy ótýde
NUR-SULTAN. QazAqparat - «Qaýipsiz jol» respýblıkalyq jedel aldyn-alý is-sharasynyń aıasynda Nur-Sultanda 22-23 shildede «Jolda qabyldaý» respýblıkalyq aktsııasy ótip jatyr, dep habarlaıdy Nur-Sultan qalasy Polıtsııa departamentiniń baspasóz qyzmeti.
Aktsııa halyq arasynda quqyqtyq túsindirý jumystaryn júrgizý jáne azamattardyń ishki ister organdaryna degen senimin arttyrý maqsatynda ótkizilýde.
Qala turǵyndary men qonaqtary polıtsııa qyzmetkerlerine jol qaýipsizdigin qamtamasyz etý, kóshi-qon zańnamasyn saqtaý jáne t.b. máseleleri boıynsha konsýltatsııalyq jáne quqyqtyq kómek suraı alady.
Aktsııa kelesi oryndarda ótedi:
«Mega Sılkveı» SOO (Qabanbaı batyr kóshesi, 62);
«Mamandandyrylǵan HQKO», (20-40 kóshesi 2 úı);
«Arýjan» SOO (Jansúgirov kóshesi, 8);
Nur-Sultan q. PD ÁPB Call-ortalyǵy, (Jetigen kóshesi , 16).
Sonymen qatar, áleýmettik jelilerde tikeleı efırler ótkizý josparlanǵan, onda azamattar ózderin qyzyqtyrǵan suraqtarǵa onlaın jaýap ala alady. Atalmysh aktsııa barysynda qala turǵyny azamattyq qarýdy alý tártibimen tanysqysy keletinin aıtqan. Polıtsııa qyzmetkerleri qarýdyń qandaı túrlerin alýǵa bolatyndyǵyn jáne ruqsat berý, saqtaý tártipterimen tanystyrdy. Tolyqqandy jaýap úshin elordalyq polıtsııa qyzmetine alǵys bildirdi
Qala turǵyndary men qonaqtary Sall-ortalyǵyna myna telefondar boıynsha habarlasa alady: 71-69-77, 67-75-75, 53-27-74 jáne Whatsapp messendjeri arqyly 8 708 382 13 76.
