Elordada jolaı ótip bara jatqan jigit órtengen úıdegi balalardy qutqardy
NUR-SULTAN. QazAqparat - Elorda turǵyny órtengen úıden balalardy alyp shyqty, dep habarlaıdy QazAqparat qalalyq tótenshe jaǵdaılar departamentine silteme jasap.
21 mamyr saǵat 06.23-te Sarjaılaý kóshesinde órt tutanǵany týraly habarlama kelip túsken. Nur-Sultan qalasy TJD órt sóndirýshileri kelgen kezde jalpy aýdany 110 sharshy metr mansard túrindegi jeke úıdiń shatyry men salynǵan veranda janyp jatqan. Órt sóndirilgen. Qaza bolǵandar men zardap shekkender joq. Órttiń sebebi anyqtalyp jatyr.
«Úıde eki kishkentaı balasy bar otbasy turady. Órt sóndirýshiler kelgenge deıin otbasy bala-shaǵasyn esikten shyǵarýǵa tyrysqan, biraq esikke shyǵýǵa múmkindik bolmady, óıtkeni jalyn verandany sharpyǵan. Sodan keıin terezege júgirip, balalardy tereze arqyly túsirýge tyrysqan. Osy ýaqytta sol úıdiń mańynan ótip bara jatqan er adam shatyrdan qalyń tútindi baıqap, úıge júgirgen. Ol áıeli men balalaryn terezeden syrtqa shyǵarýǵa tyrysyp jatqanyn er adamdy kóredi» delingen habarlamada.
Úı ıesi balalardy tereze arqyly Qanattyń qolyna tabystady.
Bul - 34 jastaǵy qala turǵyny Qanat Baıbolov bolyp shyqty. Qanat qaýip týraly oılamaı, kishkentaı balalardy qutqarýǵa kómek kórsetti. Búkil otbasy aman-esen qutqaryldy.
