Elordada jolaýshylar avtobýsy órtendi

NUR-SULTAN. QazAqparat – Nur-Sultan qalasynda jolaýshylar avtobýsynan órt shyqty, dep habarlaıdy QazAqparat Tótenshe jaǵdaılar departamentiniń baspasóz qyzmetine silteme jasap.

«Búgin saǵat 18:44-te Baıqońyr aýdany Kravtsov kóshesi 9a mekenjaıyndaǵy «Tselınnyı» móltekaýdany aıaldamasynda avtobýs órtendi. «Iveko» markaly №28 qalalyq marshrýttyń qozǵaltqyshynan órt shyqqan. Jolaýshylar dereý avtobýstan túsirilip, órt sóndirildi. Zardap shekkender joq», - delingen habarlamada.

Órtti sóndirýge TJD-niń 7 qyzmetkeri jáne 1 tehnıka jumyldyrylǵan.

CTS kompanııasynyń baspasóz qyzmeti oqıǵa ornynda TJ qyzmetkeri tekserý hattamasyn jasap, júrgizýshiden túsinikteme alǵandyǵyn habarlady.

Іs materıaldary órt-tehnıkalyq zerthananyń saraptama bólimine jiberildi.

Atalǵan marshrýttyq kólik búgin tańerteń reıs aldyndaǵy tehnıkalyq baıqaýdan ótken. Sońǵy tehnıkalyq tekserý 27 mamyrda júrgizilgen.

Aıta keteıik, barlyq avtobýstar ár 6 aı saıyn jalpy tehnıkalyq tekserýden ótedi.