Elordada jolaýshylar avtobýsy men teplovoz soqtyǵysty
NUR-SULTAN. QazAqparat – Elordada temirjoldy qıyp ótip bara jatqan №53 baǵdardaǵy avtobýs pen teplovoz soqtyǵysty. Bul týraly Bul týraly «Astana LRT» JShS qoǵammen baılanys departamentiniń basshysy Naýat Azanbaeva málim etti, dep habarlaıdy QazAqparat tilshisi.
«13 qyrkúıek kúni saǵat 06:20 kezinde Jetigin kóshesinde Pýshkın kóshesi baǵytynda №53 baǵdaryndaǵy avtobýs pen teplovozǵa qatysty jol-kólik oqıǵasy tirkeldi. Kólik apaty kezinde avtobýsta jolaýshylar bolmaǵan. Oqıǵa ornyna kelgen polıtseıler avtobýs júrgizýshisine ákimshilik hattama toltyrdy», - dedi N. Azanbaeva.
Atalǵan qoǵamdyq kóliktiń júrgizýshisi reısti bastaý úshin bazadan aıaldamaǵa qaraı júrgen.
Jol apatynan keıin avtobýs júrgizýshisi jumysynan shettetildi. Jol kólik oqıǵasy boıynsha tekserý júrgizilip jatyr.
