Elordada jolaýshylar avtobýsy kóshe shamy baǵanyn qıratty
NUR-SULTAN. QazAqparat – Elordada №28 baǵytta qatynaıtyn jolaýshylar avtobýsy kóshe shamy baǵanyna soǵyldy, dep habarlaıdy QazAqparat tilshisi.
Oqıǵa ornynan túsirilgen vıdeo áleýmettik jelide tarap jatyr. Osy jaıtqa qatysty Nur-Sultan qalalyq polıtsııa departamenti de resmı málimet berdi.
«7 mamyrda Kereı-Jánibek handar men Aqmeshit kóshesiniń qıylysynda avtobýstyń júrgizýshisi baǵdarshamnyń tyıym salǵan belgisine qaramastan qıylysty kesip ótip, kóshe shamynyń baǵanyna soǵylǵan», - dep atap ótedi vedomstvodan.
Taratylǵan aqparatqa sáıkes, adamdar aman. Qoǵamdyq kólik júrgizýshisiniń ústinen QR Ákimshilik quqyq buzýshylyq týraly kodeksiniń 610-baby 1-tarmaǵymen ákimshilik hattama toltyrylǵan.
Nur-Sultan qalalyq polıtsııa departamenti elorda júrgizýshilerin barynsha qyraǵylyq tanytyp, jol júrisi erejesin qatań saqtaýǵa shaqyrady.
Buǵan deıin habarlaǵanymyzdaı, «Nur-Sultan - Şýche» tas joly ashyq ári shtattyq rejımde jumys istep tur.
