Elordada jolaýshy jáne júk tasymalynyń jańa erejesi ázirlenedi
«Buǵan deıin jolaýshylar men júk tasymaldaýdyń qaǵıdalaryn Úkimet bekitip keldi. Alaıda, bıyl 1 shildeden bastap bul fýnktsııa elordanyń jergilikti atqarýshy organyna berildi. Osyǵan baılanysty Kólik jáne jol-kólik ınfraqurylymyn damytý basqarmasy elordada avtomobılmen jolaýshylar jáne júk tasymaldaýdyń jańa erejelerin ázirledi», - dedi Erjan Dıhanbaev qalalyq máslıhattyń qoǵamdyq keńes otyrysynda.
Sondaı-aq, kólik basqarmasynyń ókili qoǵamdyq keńes múshelerinen atalǵan erejeler jobasyn maquldaýdy surady.
«Jergilikti atqarýshy organǵa tasymaldaý qaǵıdalaryn bekitý fýnktsııasyn berý jolaýshylar kóligi jáne kólik ınfraqurylymy salasynda tıimdi sheshimder qabyldaýǵa múmkindik beredi. Atap aıtqanda, jańa ózgerister engizý kezinde kelisý satylaryn qysqartý, jańa elementterdi engizý, qazirgi ýaqytta qalaǵa qajetti jolaýshylar kóligi salasynda jedel sharalar qabyldaý», - deıdi ol.
