Elordada jolaýshylar avtobýsy betonǵa soǵyldy

ASTANA. KAZINFORM – Elordada jeńil avtokólik júrgizýshisiniń durys burylmaýynan kólik apaty boldy.

Jol apaty Qabanbaı batyr dańǵyly men Hýseın ben Talal kóshesiniń qıylysynda «Nıssan» jeńil kóligi men jolaýshylar avtobýsynyń soqtyǵysýynan týyndaǵan. 

- «Nıssan» júrgizýshisi kósheden solǵa burylyp jatqanda avtobýsty soqty, saldarynan qoǵamdyq kólik betonǵa soǵyldy. Apattyń kesirinen zardap shekken adam aýrýhanaǵa jetkizildi, - delingen qalalyq polıtsııa departamenti taratqan habarlamada.

Іzin sýytpaı jol apatyna qatysty tergeý amaldary bastaldy.

Buǵan deıin Astanada SOBR qyzmetkerlerine shabýyl jasalǵanyn habarlaǵan edik.

Aıta keteıik, kesheden beri Astanada boran, qalyń qar men qatty jel qalanyń mazasyn qashyryp tur.