Elordada jolaýshylar avtobýsy baǵanǵa soǵyldy: zardap shekkender bar

ASTANA. KAZINFORM — Astanada avtobýs júrgizýshisi rólge ıe bola almaı, jol jıegindegi baǵanǵa soǵyldy. Oqys oqıǵanyń mán-jaıyn qalalyq polıtsııa departamenti anyqtap jatyr.

— Respýblıka dańǵyly boıynda jolaýshylar avtobýsy jol apatyna ushyrady. Aldyn ala málimet boıynsha, avtobýs júrgizýshisi manevr jasaý kezinde kólikti basqara almaı, baǵanaǵa soǵylǵan. Jol apaty saldarynan zardap shekkender bar. Zardap shekken jandarǵa jedel medıtsınalyq kómek kórsetilip jatyr, — delingen habarlamada. 

Atalǵan fakti boıynsha dereý qylmystyq is qozǵaldy. Jan-jaqty tekserý júrgizilip, barlyq mán-jaı anyqtalyp jatyr. 

Óz kezeginde qalalyq densaýlyq saqtaý basqarmasynan zardap shekken jandardyń jaǵdaıy týraly aqparat birazdan soń habarlaıtyny eskertildi. 

Eske salsaq, bul birinshi jaıt emes, sáýirde Astanada avtobýs baǵanaǵa soǵylyp, jolaýshylar jaraqat alǵan edi. 

Taıaýda elordada kólik basqaryp kele jatqan júrgizýshi kenetten qaıtys bolǵany týraly jazǵan edik. 

Sondaı-aq Astanada serýen joly opyrylyp túsip, boıjetken zardap shekti.