Elordada jolaqyny bet-álpetpen tóleý júıesi iske qosyldy
NUR-SULTAN. QazAqparat – Elorda qoǵamdyq kóliginde bet-álpetpen jol aqysyn tóleý jobasy iske qosyldy. Bul týraly QazAqparat Astana LRT-ǵa silteme jasap habarlaıdy.
«FacePay júıesi jol aqysyn jolaýshylarǵa bep-álpetpen tóleýge múmkindik beredi. Arnaıy jabdyqtar eki avtobýsta ornatylǵan. FacePay paıdalanýshylary bul avtobýstardy korpýstaǵy logotıpter arqyly tanı alady. Álemde osyndaı joba qoǵamdyq kólikte alǵash ret júzege asyrylýda. Bul servıs arqyly kez-kelgen jolaýshy qoǵamdyq kólikke kirip, jol júrý aqysyn tóleı alady. Qolma-qol aqshasyz tólem bolǵandyqtan, jol júrý quny - 90 teńge», - delingen kompanııa habarlamasynda.
Arnaıy kameralarmen jabdyqtalǵan avtobýstarda júıe adamnyń bet-álpetin tanyp, avtomatty túrde qajetti somany alady. Paıdalanýshy júıe arqyly, sondaı-aq óz bankiniń sms-bankıngi arqyly tólem týraly habarlama alatyn bolady. Bul júıeniń júrgizýshi úshin fýnktsıonaly da yńǵaıly jáne avtomatty túrde esep júrgizýge múmkindik beredi.
Júıe qoldanys úshin ońaı jáne onyń qaýipsizdigi tıisti deńgeıde. Qoǵamdyq kólikte jol aqysyn FacePay arqyly tóleý úshin Telegram-nan @FacePay_bot bot-baǵdarlamasyn taýyp, oǵan JSN-dy tirkep, sýretke túsirý kerek jáne banktik kartany tirkeý qajet.
