Elordada jol jóndeý jumystarynyń bir bóligi aıaqtaldy
ASTANA. QazAqparat - Kóktem shyqqaly elordada jol jóndeý jumystary bastaldy. Qazirgi kezde tıisti jumystardyń bir bóligi aıaqtaldy, dep habarlaıdy qalanyń resmı saıty.
Qabanbaı batyr dańǵylynyń Qorǵaljyn tasjolynan Respýblıka dańǵylyna deıingi bóliginde, Bókeıhan kóshesiniń Kenesary kóshesinen Aǵybaı batyr kóshesine deıingi bóliginde jáne Bókeıhan kóshesiniń Abaı dańǵylynan Kenesary kóshesine deıingi bóliginde kólik qozǵalysy jandandyryldy. Sáıkesinshe, atalǵan jol bóliginde kólik qozǵalysyn shekteýge baılanysty ózgertilgen avtobýs baǵdarlary da qalpyna keltirildi.
Qazirgi ýaqytta tómende atalǵan jol bólikterinde jóndeý jumystary jalǵastyrylyp jatyr:
- 25 mamyrdan 15 maýsymǵa deıin Qordaı k-si 14-kósheden sońǵy aıaldamaǵa deıin;
- 15 mamyrdan 15 maýsymǵa deıin Ózbekáli Jánibek k-siniń Aınakól k-sinen Qoshqarbaev k-sine deıin;
- 30 mamyrdan 2 maýsymǵa deıin Ýálıhanov k-siniń Bógenbaı batyr dańǵylynan Abaı dańǵylyna deıingi bóliginde jol qozǵalysy tolyq jabyldy.
- 17 mamyrdan 15 maýsymǵa deıin Qoshqarbaev kóshesinde B. Momyshuly dańǵylynan Sarykól kóshesine deıin;
- 30 mamyrdan 16 maýsymǵa deıin Ýálıhanov k-sinde Abaı dańǵylynan Baraev kóshesine deıin kólik qozǵalysy jartylaı shekteledi.
Sonymen qatar, 28 mamyrdan bastap Kóktal-2 turǵyn alabynan «Metro» gıpermarketine deıingi ýchaskeni qamtıtyn №103 marshrýt №71 bolyp ózgertildi. Sebebi, 103 nomeri qalalyq ekspress-marshrýtqa berilgen bolatyn.
Osy jeli boıynsha júretin avtobýstar sany men qozǵalys syzbasy ózgerissiz qalady.
