Elordada jol jóndeý jumystaryna baılanysty birqatar avtobýstardyń qozǵalysy ózgeredi
ASTANA. QazAqparat - Astanada jol jóndeý jumystaryna baılanysty І.Esenberlın kóshesi boıynsha qoǵamdyq kólikterdiń qozǵalysy kestesinde ózgerister bolady, dep habarlady elorda ákimdigi baspasóz qyzmetinen.
Atap aıtqanda, 12-19 maýsym aralyǵynda І.Esenberlın kóshesi boıynsha Jeńis dańǵyly men Beıbitshilik kóshesi aralyǵynda jol jabylady. Ákimdik málimeti boıynsha, № 9, 10, 22, 23, 27, 33, 48, 130 baǵdarlary Gete-Altynemel-Beıbitshik kóshelerimen shyǵyp, ary qaraı burynǵy kestemen qozǵalady. Al №42 baǵdardaǵy avtobýs Gete kóshesinen Respýblıka dańǵylyna túsip, osydan keıingi aralyqty bekitilgen kestemen jalǵastyrady.
