Elordada jol jóndep jatqan jumysshylardy soqqyǵa jyǵyp, pyshaqtap ketti
NUR-SULTAN. QazAqparat – Elordada jol-qurylys jumysyn júrgizip jatqan jumysshylardy soqqyǵa jyǵyp, pyshaqtap ketti, dep habarlaıdy QazAqparat Nur-Sultan qalalyq polıtsııa departamentine silteme jasap.
Oqıǵa saldarynan qalalyq aýrýhanaǵa pyshaqpen jaraqattanǵan úsh jumysshy jetkizildi.
Túnde «102» arnasyna Alash tas joly boıyndaǵy kópirde jappaı tóbeles bolyp jatyr degen habarlama kelip tústi. Jol-qurylys jumystaryn júrgizip jatqan jumysshylar brıgadasyna şabýyl jasalǵan.
Saǵat 00:40 shamasynda «Leksýs» kóligine mingen belgisiz er adamdar jóndeý júrip jatqan jerge qaraı ótpekshi bolǵan. Sózge kelip, keıin tóbeleske ulasqan janjal barysynda «Leksýs» júrgizýshisi men jolaýshylary jumysshylarǵa pyshaq salǵan.
Oqıǵa ornyna ýaqtyly jetken polıtseıler kólik júrgizýshisi men jolaýshylaryn ustady. Oqıǵa ornyn tintý kezinde pyshaq tabylyp, tárkilendi.
Qazirgi ýaqytta tóbelesti bastaǵan 29 jáne 20 jastaǵy eki azamat ustalyp, Polıtsııa departamentiniń ýaqytsha ustaý oqshaýlaǵyshyna qamaldy.
Adam densaýlyǵyna qasaqana aýyr zııan keltirý faktisi boıynsha qylmystyq is qozǵaldy. Tergeý júrip jatyr.
