Elordada jol polıtsııasy ınspektorlary mektepter janyndaǵy joldardy tekseredi
ASTANA. 14 tamyz. QazAqparat - Astana qalasy Jol polıtsııasy basqarmasynyń qyzmetkerleri «Nazar aýdaryńyz, balalar!» respýblıkalyq aktsııasyna daıyndyq kezeńi aıasynda
balalardyń jol-kólik oqıǵasynan jaraqattanýynyń aldyn alý maqsatynda qalanyń barlyq bilim mekemelerin tekserdi», dep habarlady astana.kz saıty vedomstvonyń baspasóz qyzmetine silteme jasap.
Vedomstvonyń habarlaýynsha, avtomobıl joldarynyń jaıaý júrginshiler júretin bóliginde qaýipsiz qozǵalysty qamtamasyz etýge basa kóńil bólindi. Anyqtalǵan kemshilikterdi joıý úshin jol ıelerine uıǵarymdar berilip, atqarýshy bılik organdarynyń basshylaryna habarlandy.
Sonymen qatar, Kóliktik baqylaý ókilderimen birlesip balalardy mektepke tasymaldaıtyn qalalyq kólik kásiporyndarynda da qaýipsizdik talaptaryn saqtaý jáne tıisti lıtsenzııalardyń bolýy tekseriledi.
Jol polıtsııasy basqarmasynyń atap ótýinshe, jańa oqý jylynyń qarsańynda jol-kóshe jelisiniń jaǵdaıy, jaıaý júrginshiler jolaqtary, jol belgileri, jol qozǵalysyn retteý quraldary, jasandy jaryqtandyrýdyń bolýy jáne qoıylýy baqylaýǵa alynady.
Sondaı-aq, buǵan deıin anyqtalǵan kemshilikterdi joıý nátıjeleri tekseriledi.
