Elordada jol-kólik apatynan 1 adam ert bolyp, 4-eýi zardap shekti

NUR-SULTAN. QazAqparat – Elordadaǵy «Astanalyq» bazarynyń mańynda 22 jastaǵy júrgizýshi 60 jastaǵy jaıaý júrginshini qaǵyp óltirdi, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

31 qazan kúni saǵat 13:33-te «Kia» markaly avtokóliktiń 22 jastaǵy júrgizýshisi Ýálıhanov kóshesiniń boıymen kele jatyp, qarsy baǵytqa shyǵyp ketken. Onda joldan ótip bara jatqan eki jaıaý júrginshini qaqqan. Keıin ınertsııamen «Lada» kóligimen soqtyǵysqan.

Jol-kólik oqıǵasy saldarynan 60 jastaǵy jaıaý júrginshi alǵan jaraqatynan oqıǵa ornynda kóz jumdy. Ekinshi jaıaý júrginshi, «Lada» avtokóliginiń eki jolaýshysy jáne «Kia» júrgizýshisi aýrýhanaǵa jetkizildi, keıinnen dárigerlerdiń tekserisinen soń úılerine jiberildi.

Atalǵan fakti boıynsha sotqa deıingi tergeý bastaldy.