Elordada jol erejesin buzǵan azamattar týraly jedel aqparat beretin kólikter iske qosyldy

Bul týraly Astana qalalyq Іshki ister departamentiniń Jol polıtsııasy qyzmetinen habarlady.

Elordanyń jol polıtsııasy qyzmetiniń málimetterinshe, astanalyq jol polıtsııasynyń ókilderi shahardaǵy kólik júrgizýshilerin jol-kólik oqıǵalaryna jaıaý júrginshilerdiń jıi ıtermeleıtindigin málimdeıdi. Jaǵdaıdyń osylaısha sıpat alýynyń aldyn alý úshin tıisti sharalar qolǵa alynǵan. Soǵan qaramastan jaıaý júrginshiler jolda júrý erejesin jıi buzady. Mysaly 2010 jyly jaıaý júrginshilerdiń qatysýymen bolǵan jol-kólik oqıǵalarynyń 62 paıyzy jaıaý júrginshilerdiń kinásinen bolǵan. Al 2011 jyldyń 3 aıynda jolda júrý erejesin buzǵan 5 myń jaıaý júrginshige aıyp salynǵan.

Osyǵan baılanysty tártip saqshylary jaıaý júrginshilermen 700-ge jýyq túsindirme jumystaryn júrgizgen. Soǵan qaramastan, jaıaý júrginshilerdiń kópshiligi burynǵydaı ózderin kinásiz dep esepteıdi. Jol polıtsııasy qyzmetiniń pikirlerinshe, azamattar jol erejesin buzý arqyly tek ózderiniń ómirleri men densaýlyqtaryna qaýip tóndirip qana qoımaı, aınalasyndaǵylardyń da ómirlerine qaýip tóndirip otyr. Onyń ústine ereje buzǵan jaıaý júrginshini tirkeý de qıyn. Sebebi olardyń kópshiliginde jeke tulǵasyn rastaıtyn qujaty bolmaıdy.

Osyǵan baılanysty, elimizde birinshi ret "AAІJ-Baqylaý" borttyq kompıýteri bar úsh shaǵyn avtobýs iske kirisken. Olar azamattarǵa yńǵaıly bolýy úshin arnaıy oryndyqtarmen jabdyqtalǵan. Borttyq kompıýterde "Avtokólik", "Júrgizýshi", "Baǵdarlar", "Ákimshilik quqyq buzýshylyq", "Tehnıkalyq baqylaý", "Krımınaldyq avtomotokólik", "Іzdestirý", "Senimhat" jáne "Pasporttyq esep" sııaqty esepter boıynsha kólik quraly men azamattar týraly aqparattardy izdep, tabýǵa jáne basyp shyǵarýǵa múmkindik beretin qurylǵymen qamtamasyz etilgen. Jol erejesin buzýshynyń qujattary joq bolǵan jaǵdaıda, jańa iske qosylǵan júıe quqyq buzǵan jaıaý júrginshiniń jeke tulǵasyn oqıǵa ornynda anyqtap beredi. Buryndary ereje buzǵan júrginshi jaqyn arada ornalasqan Іshki ister bólimine jetkizilýi qajet bolatyn. Al ondaǵy hattama tirkeý sııaqty sharalarǵa 1 saǵattan astam ýaqyt ketetin. Endi jańa engizilgen júıe arqyly tártipsiz jolaýshylardy táýbesine keltiretin ýaqyt týǵan sııaqty.