Elordada jol erejesi kameralaryn tıisti quralsyz teksergen zerthana jumysyn toqtatty
ASTANA. KAZINFORM — «Metrological Expert» jaýapkershiligi shekteýli seriktestigi synaq jáne kalıbrleý zerthanalarynyń quzyretine qoıylatyn jalpy talaptardy, ıaǵnı memleketaralyq standart normalaryn buzǵan.
Bul týraly Saýda jáne ıntegratsııa mınıstrligi habarlaıdy. Aqparatta aıtylǵandaı, «Metrological Expert» JShS Astana qalasynyń apellıatsııalyq satydaǵy sotyna shaǵym túsirgen. Biraq, Astana qalasynyń ákimshilik quqyq buzýshylyq jónindegi sot qaýlyny ózgerissiz qaldyrdy. Astana qalasy boıynsha metrologııa salasyndaǵy ýákiletti organ vedomstvosynyń aýmaqtyq bólimshesi jospardan tys tekserý nátıjeleri boıynsha «Metrological Expert» JShS qatysty Ákimshilik quqyq buzýshylyq kodekstiń 415-1-babynyń 1-bóligi boıynsha ákimshilik quqyq buzýshylyq týraly 48 hattama toltyryldy.
Ákimshilik is qozǵaýǵa ne sebep boldy?
«Metrological Expert» jaýapkershiligi shekteýli seriktestigi «synaq jáne kalıbrleý zerthanalarynyń quzyretine qoıylatyn jalpy talaptar» memleketaralyq standart normalaryn buzý.
— Seriktestiktiń tekserý zerthanasynda jol qozǵalysy erejelerin buzýshylyqtardy anyqtaıtyn avtomatty foto jáne beınetirkeýdiń apparattyq-baǵdarlamalyq keshenderine tekserý rásimin júrgizý kezinde ólsheýge arnalǵan tıisti jabdyq bolmaǵan jáne qorshaǵan orta qaýipsizdigin jaǵdaıy saqtalmaǵan, sondaı-aq bastapqy jazbalary bolmaǵan, — delingen habarlamada.
Osy oraıda mınıstrlik eske salady, Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń 2025 jylǵy 30 qańtardaǵy sheshimimen «Metrological Expert» JShS-na Ákimshilik quqyq buzýshylyq kodekstiń 415-1-babynyń 1-bóligi boıynsha 8 307 000 teńge kóleminde aıyppul salyndy. Sonymen qatar seriktestiktiń tekserý zerthanasyn akkredıtteý attestaty men D. S. Qaparovtyń tekserýshi attestaty 6 aı merzimge toqtatylyp, ákimshilik jaýapkershilikke tartylǵan.
Eske salsaq, bıyl aqpanda belgili bolǵandaı «Sergek» elordadan ketip, qaladaǵy kameralardy BAÁ kompanııasy basqarady.