Elordada jol boıynda bolǵan tóbelesken júrgizýshiler jazalandy
NUR-SULTAN. QazAqparat – Elordadaǵy jol boıynda bolǵan tóbeles úshin júrgizýshiler jazalandy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Monıtorıng barysynda Bógenbaı batyr dańǵyly boıynda «Gazel» jáne «Mersedes» markaly avtokólikteriniń júrgizýshileri arasynda bolǵan tóbeles faktisi anyqtaldy.
Júrgizýshilerdiń bir-birine jol bermeı, ersi áreketter kórsetýi janjaldyń týyndaýyna sebep bolǵan. Tóbeleskenderdiń barlyǵy anyqtalyp, polıtsııaǵa jetkizildi.
Atalǵan fakti boıynsha «Buzaqylyq» baby negizinde qylmystyq is qozǵaldy.
Nur-Sultan qalalyq polıtsııa departamenti júrgizýshilerdi qoǵamdyq tártipti buzbaýǵa, apatty jaǵdaı týǵyzbaýǵa jáne kólik quraldarynyń qozǵalysyna kedergi keltirmeýge shaqyrady.
