Elordada jol apatynan keıin jappaı tóbeles bolyp, eki jigit pyshaq jaraqatyn aldy
NUR-SULTAN. QazAqparat – Polıtsııanyń 102 nómirine saǵat 05:52-de Kenesary-Sembınov kósheleriniń qıylysynda jas jigitterdiń tóbelesip jatqany týraly habarlama kelip túsken. Oqıǵa ornyna polıtsııa jasaǵy jiberildi, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Janjaldyń jol apaty saldarynan bolǵany anyqtalǵan. BMW kóliginiń 28 jastaǵy júrgizýshisi Sembınov kóshesimen kele jatyp, manevr jasaǵanda jol boıynda turaqqa qoıylǵan, 21 jastaǵy jigit mingen «Toyota» kóligimen soqtyǵysty.
Jol-kólik apatynyń qatysýshylary oqıǵa ornyna dostaryn shaqyra bastaǵan. Jınalǵandar arasynda janjal shyǵyp, arty tóbeleske ulasty.
Tóbeles qatysýshylary arasynda janjal shyǵyp, arty tóbeleske ulasty. Onyń biri eki jas jigitke pyshaq salǵan.
Atalǵan faktimen qylmystyq is qozǵaldy. 29 jastaǵy kúdikti Nur-Sultan qalasy polıtsııa departamentiniń ýaqytsha ızolıatoryna qamaldy.
Kólikter kommýnaldyq avtoturaqqa qoıyldy.
Nur-Sultan qalasynyń polıtsııa departamenti júrgizýshilerdi jol júrý erejelerin qatań saqtaý týraly eskertedi.
