Elordada jol apaty saldarynan kólik aýdaryldy
NUR-SULTAN. QazAqparat – Elordada jol apatyna ushyraǵan kólik aýdarylyp qalǵan, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Búgin saǵat 12:07-de Kia Picanto markaly kóliktiń 46 jastaǵy júrgizýshisi Aqbıdaı kóshesimen Óndiris kóshesine qaraı kele jatyp, sol jaqqa burylar kezde qarama-qarsy baǵytta kele jatqan «VAZ-2115» kóligimen soqtyǵysty. Qatty soqqy saldarynan Kia Picanto aýdarylyp qalǵan.
Jol apaty saldarynan jaraqat alǵan Kia Picanto júrgizýshisi aýrýhanaǵa jetkizildi. Atalǵan fakti boıynsha tergeý amaldary júrgizilip jatyr.
