Elordada jol apattarynyń 96% paıyzy jeńil kóliktermen bolady
NUR-SULTAN. QazAqparat – Nur-Sultan qalasyndaǵy Ákimshilik polıtsııa basqarmasy ákimshilik tájirıbe bóliminiń bastyǵy Baýyrjan Toqjumanovtyń aıtýynsha, jyl basynan beri tirkelgen jol apattarynyń 96 paıyzy jeńil kóliktermen bolǵan, dep habarlaıdy QazAqparat tilshisi.
«Elordada jol apatynyń deńgeıi joǵary. Negizgi sebep - tirkelgen kóliktiń jyl saıyn kóbeıýi jáne jol qozǵalysyna qatysýshylardyń jeke tártipsizdigi. Tirkelgen jol-kólik oqıǵalarynyń 274-i jeńil kóliktermen, 11-i júk kólikterimen bolǵan», - dedi bólim bastyǵy.
Sondaı-aq ol jol-kólik oqıǵalarynyń sebepterin atady.
«Júrgizýshiler manevr jasaý erejelerin buzý (50), qarsy jolaqqa shyǵý (25), qashyqtyq pen aralyqty saqtamaý (48), jaıaý júrginshige jol bermeý (45) sııaqty aǵattyqtarǵa baryp, kólik apatyna sebepker bolǵan.
Jyl basynan beri júrgizýshiler 168 ret jaıaý júrginshini kólikpen qaqqan. Saldarynan 3 adam qaza taýyp, 172 adam jaraqat aldy»,- dedi Baýyrjan Toqjumanov.
Buǵan deıin «Sergek» jobasyna bólingen qarajat 2023 jyldyń sońynda bitetini týraly málim etilgen bolatyn.
